હોલીવૂડનું સુરેન્દ્રનગર કનેકશન : બ્રાડ પિટે પહેરેલો શર્ટ કોણે તૈયાર કર્યો છે?

હોલીવૂડના ફિલ્મસ્ટાર બ્રાડ પિટનું સીધેસીધું સુરેન્દ્રનગર સાથે કનેક્શન છે. સાંભળીને ચોંકી જવાય એવી વાત છે, પણ આ બિલકુલ સાચી વાત છે.

બ્રાડ પિટે તેમની લૅટેસ્ટ ફિલ્મ એફ-1માં જે શર્ટ પહેર્યો છે એ સુરેન્દ્રનગરના એક કારીગરે બનાવેલો છે.

સુરેન્દ્રનગરની 700 વર્ષ જૂની ટાંગલિયા કળા બતાવતો આ શર્ટ બ્રાડ પિટે તેમની લૅટેસ્ટ ફિલ્મ એફ1માં પહેર્યો એ પછી ‘ટાંગલિયા કળા’ ખાસ્સી ચર્ચામાં આવી ગઈ છે.

વઢવાણના દેદાદરા ગામમાં રહેતા બળદેવભાઈ રાઠોડ અને તેમનો પરિવાર છેલ્લી ચાર પાંચ પેઢીથી આ કળા સાથે જોડાયેલો છે.

આ વિસ્તારમાં મહિલા કારીગરો પણ આ કળા સાથે જોડાયેલા છે. ટાંગલિયા કળા શું છે? આ કળા અહીંના કારીગરો કેવી રીતે શીખ્યા? આખરે સૌરાષ્ટ્રના એક નાના નગરમાંથી આ કળા હોલીવૂડમાં કેવી રીતે પહોંચી તેની પાછળની રસપ્રદ કહાણી જાણો આ વીડિયોમાં.

બીબીસી માટે કલેક્ટિવ ન્યૂઝરૂમનું પ્રકાશન